【Emily】社企推智能漂書機 黃錦星捐書話當年

噚日係五四青年節，黃錦星喺facebook提到捐出嘅4本書代表佢青年至今嘅歲月，包括由著名建築學家梁思成遺孀林洙撰寫嘅《梁思成、林徽因與我》，佢提到梁思成父親梁啟超同五四運動嘅歷史環環相扣。佢又話大學修讀建築設計，跟教授投入本地同內地田野考察，鍾情傳統民居建築，梁思成同林徽因嘅故事成為佢嘅閱讀對象。

身兼碳中和及可持續發展委員會主席嘅行會成員林正財亦到場，仲喺facebook大讚社企發展智能漂書機，除咗可以畀書籍第二生命，更加做到以書會友同連繫社區，仲可以減碳，形容十分厲害。