【時報訊】今年全國人大代表同政協委員換屆，多名港區人代同政協均退下火線。今年卸任政協嘅建測規園界議員謝偉銓（Tony）噚日喺facebook話，早前出席咗「榮休港區全國政協證書頒發儀式」，由全國政協副主席、前特首梁振英向一眾卸任政協頒授證書同感謝狀，Emily聽聞仲有一眾卸任人代出席。Tony就話既榮幸又感觸，期望新一屆港區政協如實向中央反映香港情况。
Tony喺facebook分享，即使自己放下政協工作，仍然會致力服務香港同國家，期望接棒嘅新一屆港區政協加深認識國家大局同內地發展，並向中央政府同內地人民如實反映香港情况，積極發表意見。證書頒發儀式早前舉行，由梁振英同全國政協常委副秘書長鄒加怡向一眾卸任港區政協頒授榮休政協證書同感謝狀，中聯辦主任鄭雁雄亦有出席。
