由香港飛往洛杉磯的國泰航空CX880航班今日凌晨因機組人員偵察到技術故障終止起飛，隨即機上293名乘客被疏散，現場有11名乘客受輕傷送院。藝人李施嬅亦在涉事航班上，她事後在社交平台IG發帖報平安，並上載當時機上及在機場等候的短片，直指「今晚係好驚險」。
李施嬅說，「我係第一次喺跑道飛機好高速時無端端dup brake停，啲嘢冧曬，個個都好驚，跟住空姐／captain(機長)話要evacuate(疏散)，大家都好緊張，大嗌好混亂，令我個人都震曬，其實都好驚嗰一刻，跟住瀡滑梯即刻彈出嚟，個個都要落去，好多人都損曬，好感恩就係captain係我哋take off之前嗰刻發現有問題，即刻dup brake煞停，無起飛到，如果起飛咗仲麻煩。」
李施嬅又指，「所以好感恩，雖然係幾驚嘅一件事，但係大家都平安無事過咗呢件事，非常感恩，辛苦咗所有工作人員、空姐、機師，起碼大家都平安無事，唔飛住都唔緊要。」
好友鍾嘉欣、胡蓓蔚、趙希洛等留言指感恩大家都平安，見到施嬅沒事，一班粉絲都可以放心了！
