【明報專訊】陳慧琳（Kelly）昨日到西九出席《第七屆香港兒童國際電影節》發布會。Kelly表示經常趁假日帶兩子入戲院睇戲，最初自己都投入，但長年累月陪睇超人題材的卡通或真人版電影，睇到好膩、好厭，而且有點混淆，不過兩子最喜歡的仍是周星馳（星爺）的電影，「早前電視重播《少林足球》，大仔劉昇睇完後，逼爸爸和細佬劉琛拍片，一齊打功夫爭鳳梨酥」。
最近星爺為新戲《少林女足》選角，問Kelly兩子是否期待她跟星爺拍戲？Kelly說：「他們未講。不過我仲踢到足球咩？或者演退休教練，就應該OK，可以合作。」Kelly透露兩子睇過她主演的電影《盜馬記》、《西遊記之大鬧天宮》，但不太喜歡，至於《無間道》，可能長大點才睇得明，現時不會逼他們睇，「他們迷上星爺，不過年紀尚小，未有在社交平台follow星爺」。
Kelly指大仔劉昇有做導演天分，若將來選科沒頭緒，都會考慮讓他到外國讀電影，「我在社交平台出片，可以嘗試畀大仔執導。（大仔可有再偷拍你練歌？）他不敢了」。她表示暑假好忙，暫時欠兒子一個旅程，待日後再還。
記者：鍾一虹
相關字詞﹕劉琛 劉昇 少林女足 周星馳(星爺) 陳慧琳（Kelly）
