【時報訊】立法會前議員梁劉柔芬最近出版新著作《輕風柔語──63個啟迪青少年的小故事》。佢喺序言話，寫呢本書嘅原因之一，係佢成日都諗，若果青少年可以預早知道人生唔同階段會遇上嘅各種挑戰，「這份啟迪可否令他們更有心理準備」。佢話書中大部分故事都取材自一啲熟人或日常生活所見所想，希望前人走過嘅路可以啟發年輕人，「即使成長路上遇上困阻，也能處事不驚」。
為人母親嘅梁太話，一直都覺得現代社會虧欠孩子好多，甚至有長輩忽略年輕人嘅需要，未有喺佢哋成長路上關心同支持，所以佢喺書中特別寫咗幾個故事，分享佢從養兒育女到𠵱家湊孫為樂「反躬自省」後嘅心得，除咗同為人父母者互勉互勵，仲希望透過呢本書分享人生經驗同所見所聞，幫助年輕人喺人生路上走得順暢啲。
