【Emily】電腦學會：九成公司料增ICT員工薪金

睇番2022年情况，調查話有86.7%嘅ICT從業員獲加薪，冇變動嘅就有13.3%；薪金平均增幅方面，超過70%公司嘅加薪幅度有4%或以上，增幅有4%至6%嘅佔34.6%，加薪幅度達10%以上嘅就有19.2%；上年人手變動方面，就未見有大規模裁員情况，有56.7%企業增加咗ICT員工或職位，增聘人手嘅公司中，有58.8%係增加咗超過10%嘅ICT人手。

鄭松岩分析，𠵱家經濟環境唔明朗，每間公司對ICT人才需求仍然保持旺盛，而且上年ICT行業整體薪酬水平都有增加，估計今年加薪情况會維持，行業仍有一定發展空間。