多個政團領導都有出席自由黨噚日嘅黨慶酒會，包括身兼行會成員嘅工聯會會長吳秋北（中，沒打呔者）。（曾憲宗攝）
自由黨噚日舉辦酒會慶祝創黨30周年，前特首曾蔭權（左三）現身，同在場者有講有笑，逗留約10分鐘後離開。左二為行會成員兼自由黨黨魁張宇人。（曾憲宗攝）
【時報訊】自由黨噚日慶祝30周年黨慶，除咗特首李家超、3司長同多名局長出席外，較少露面嘅前特首曾蔭權都去咗10分鐘。雖然自由黨係商界背景，同勞工界議員不時就勞工議題喺議會各執一詞，不過勞工界中身兼行政會議成員嘅工聯會立法會議員吳秋北都有現身。
特首李家超致辭時話，飲食界同零售界分別喺七一慶回歸期間推出七一優惠。
李家超仲點名讚自由黨黨魁張宇人同主席邵家輝「做咗好多嘢」，特意多謝兩人。李家超又形容，目前行政、立法關係踏上新台階，希望日後自由黨繼續畀建議，同發揮商界嘅領導能力。
Emily就留意到，自由黨舉杯祝酒時，台上一度重現「你好香港」啟動禮時嘅「清一色」男性。
祝酒重現「你好香港」全男班
喺政府官員同部分行會成員，例如特首辦主任葉文娟、民青局長麥美娟、行會成員陳清霞等一齊合照後，先有番啲性別多元。
相關字詞﹕吳秋北 自由黨
免责声明：本文仅代表作者个人观点，与华侨网无关联。其原创性及文中陈诉内容未经本网证实，对本文内容、文字的完整、真实性，以及时效性本网部作任何承诺，请读者自行核实相关内容。如发现稿件侵权，或作者无意愿在华侨网发布文章，请版权拥有者通知华侨网处理。
