【時報訊】警方噚日喺facebook發帖及相（圖），指水警總區為提高海上安全同搜救能力，下月初開展「水上電單車試行計劃」，兩部水上電單車將喺水警東分區試驗。警方話水上電單車無螺旋槳，可輕易進入淺水區、海灘，甚至喺靠近泳客同獨木舟嘅地方靈活移動。據了解，呢部長3.58米、寬1.27米、高1.23米嘅電單車由YAMAHA出品，時速可達50海里。官網相同型號2022 WaveRunner FX Cruiser HO定價16,699美元（約13萬港元）。
本港唔少部門如消防處、康文署都有用水上電單車救援，警方亦要求所有駕駛者要接受過救援同內部訓練，並擁相關資格；佢哋使用電單車時會穿著保護裝備，連同一艘支援船一齊執行任務。
