【時報訊】立法會早前三讀通過提高亂拋垃圾、店舖阻街等罪行嘅罰款額，其中隨地吐痰等7項罪行嘅定額罰款由1500元增至3000元；兩項針對店舖阻街同非法棄置建築廢物嘅罪行由1500元升至6000元。環境及生態局噚日公布定額罰款通知書格式，當中「定額罰款」一欄分為3000同6000元，執法人員要喺其中一格打剔。
「罪行編號」一欄分成9格，每格都對應通知書右邊嘅罪行事項，例如「未經准許而展示招貼或海報」嘅編號係「01」；「在公眾地方造成阻礙」嘅編號係「06A」，執法人員同樣需要喺其中一格打剔。另外，新通知書格式底下印有郵寄繳款回條，違法嘅人亦需要喺回條「金額」一欄就3000元或6000元罰款打剔。
有關法例上周五（21日）已經刊憲，10月22日生效。
