【明報專訊】李克勤將於月底到澳門倫敦人綜藝館舉行4場《弦續》演唱會，因宣傳海報惹起朋友和粉絲誤會，以為他去英國倫敦開騷，「有朋友打來訂飛，叫我幫佢買。有歌迷私信問去咁遠，有冇近少少？攞唔到假飛英國，好搞笑」。他表示期待能與澳門交響樂團合作，預告度身打造了全新歌單，與之前香港紅館演唱會編排大不同，盼給予觀眾新鮮感。
克勤父母是澳門人，他從小到大暑假會跟雙親回澳門探望祖父母，之前紅館騷播放他跟樂手對談片段十分受歡迎，今次他特別抽時間到澳門拍攝新內容在演唱會播放。
遊澳門重拾童年回憶
克勤去了小時外公外婆住的地方「岡頂」，又食雙皮奶重拾童年回憶。參觀將入住的酒店房間令他最為驚喜，酒店準備了克勤的偶像碧咸給他的歡迎信和親筆簽名球衣做禮物，他說：「話晒係曼聯迷，冇諗過會有咁驚喜嘅禮物畀我，都幾開心。」
娛樂組
