【明報專訊】樂隊KOLOR與Revery日前在水上樂園的全新音樂會場地「AQUALAND」演出，開騷前舉行開幕儀式。KOLOR主音Sammy（蘇浩才）表示支持業界設置新表演場地，令樂隊有更多演出機會，「這些戶外中小型場地真的不多，我們睇住Revery大，所以一定要支持！睇住佢哋愈來愈大隻，他們是一隊好健康的樂隊，成日運動，佢哋『毛都未出齊』我們已經認識，係好難得」。
KOLOR出場時全場起哄，Sammy更除衫騷肌，唱新歌《無極》時，自爆會將現場環境拍成MV，感謝粉絲做「臨記」。Sammy說：「在這個新場第一次演出，我們獻唱新歌，大家要跳得勁啲，10月《無極》MV在各大平台推出，希望流傳萬世」。Revery感謝KOLOR支持，「我們細細個夾band時，都係唱KOLOR啲歌，認識了他們後，學識埋飲酒，聽住他們的歌一齊成長。做好音樂是對他們最好的報答，操大隻啲去繼承佢哋啲肌肉」。
娛樂組
