【Emily】簡屋撥款表決 何永賢會面解說 田北辰轉軚撐

田北辰上次喺立法會工務小組委員會批評，即使當局唔介意就「小欖樂」項目補交資料，仍有大比數議員反對喺財委會再討論，質疑議員未盡監察責任。Emily噚日問田投票意向，佢就話星期一未收到局方回覆，打電話查詢後就喺翌日收到，但佢不滿當時文件僅話公路仲有好多餘額，於是要求對方再補充。何永賢前日親自當面解說，但無實際數字，最終當晚局方提交相關車流量資料，令佢決定支持撥款。

話「如果議員太鬆，啲官就好乸西」

田北辰話唔評論其他議員有無盡責，認為議員催谷下官員就交出有水準嘅表現，但「如果議員太鬆太寬容，啲官就好『乸西』」，呼籲大家唔好咁易收貨。