黎展峯（Andy）日前獲一眾「黎膠」（粉絲暱稱）補祝今個月的27歲生辰，並分別於中午在Cafe及晚上BBQ的馬拉松式慶生。Cafe的生日會上，粉絲們一早到場布置，貼滿Andy的相片及播放其歌曲；又於旺角買下LED電視廣告為Andy送上生日祝福，出錢又出力。而晚上的BBQ，Andy特別為每位「黎膠」燒腸仔及送上泥膠，表示希望向粉絲回報一份有心思及代表性的禮物。
BBQ期間，更即興舉行了一場「廚神大賽」，粉絲選取食物燒烤，然後由Andy選出燒得最好的五位成為「廚神」。Andy指雖然大部分粉絲看似不太會煮食，但看得出他們竭盡所能避免他肚痛，但仍有「地獄廚神」出現，笑說：「有一份扇貝，令到我條脷鹹咗五分鐘，但冇人整唔熟食物，返到屋企都冇肚痾。」
Andy更感恩今年已經是第二年獲粉絲慶生：「由上年開兩個爐的人數增至今年開八個爐，對我嚟講係一個好好嘅機會去報答大家。因為呢半年辛苦大家每一次落公司Concept store聽我唱歌，由夏天聽到冬天，日曬雨淋，每次都全力支持我！希望之後每年都同大家慶祝。至於生日願望，希望今年去到啟德…… 睇謝霆鋒師兄演唱會，哈哈；及養成早睡早起、食多啲生果嘅習慣，等個人變靚啲，同埋今年嘅歌繼續畀到力量大家。」
