台灣歌手楊丞琳(Rainie)宣布將於5月4日在香港亞洲國際博覽館Arena舉行個唱,今日她到又一城舉行《楊丞琳「LIKE A STAR」世界巡迴演唱會香港站》 記者會,吸引大班粉絲到場支持。

闊別7年,Rainie再在香港舉行個唱,香港粉絲非常期待,在今日的記者會現場,見商場二三樓都企滿Rainie的粉絲圍觀,有人更一大清早到商場等候,拿起「香港粉絲支持妳 世一 Rainie」Banner應援。Rainie以露腰性感Tee亮相,又多次拉開毛毛披肩,大騷「馬甲線」纖腰,氹得粉絲好開心,而且她更全程用粵語對答:「我今天真係很興奮,還有點緊張,因為好耐冇同大家見面,同埋好耐冇講粵語。我學了一句『老Best』去形容好友,粉絲們都是我的『老Best』,約定你哋5月4日見!」Rainie亦自爆這次個唱會唱粵語歌,以答謝港迷多年支持。

不過Rainie卻不斷嫌自己粵語變差,其間Rainie坦言:「我粵語真係退步好多,我嬲嬲豬啊!」,但她之後又笑言自己已經40歲,用「嬲嬲豬」一詞是否仍適合自己。