【時報訊】歌手Tyson Yoshi（程浚彥）早前將架綠色保時捷跑車泊喺上環磅巷，因為部車車身有英文粗口「F××K YOU」拉花，引起一班路過嘅小學生指住嚟哈哈大笑，過程有人拍咗片，Tyson仲放埋上IG，話「Sorry children better change it to love you…（對不起孩子 應改為愛你）」。
呢班小學生就讀嘅天主教總堂區學校事後留言，多謝Tyson為小朋友帶嚟驚喜，話學生們好鍾意佢部車，仲乘機邀請Tyson到學校同學生一齊再設計佢部車嘅拉花。學校亦趁機推出「文字的魔力」工作紙，叫學生當自己係汽車美容師，發揮創意設計車身。
Tyson前晚就再喺IG分享呢個消息，話會親自揀選頭3名作品，放上網畀人投票，勝出嘅作品會印喺朋友借出嘅車上面，「到時會揸番去學校畀小朋友睇」。學校就喺facebook發帖形容係一次有意義嘅互動，唔少網民大讚學校有創意，回應得體。
