【Emily】霍英東誕辰百周年 中央北京辦座談會

【時報訊】噚日係已故全國政協副主席、愛國商人霍英東誕辰100周年，中央喺北京舉辦「紀念霍英東先生誕辰100周年座談會」，全國政協主席王滬寧（紅幕前左三）都有出席，仲喺會前會見霍英東嘅後人，包括霍震霆、霍啟剛、霍啟山等。中央統戰部長石泰峰喺會上緬懷霍英東嘅一生，強調要學習佢愛國愛港嘅赤子情懷、敢為人先嘅寶貴品格等，新華社則形容霍英東係中國共產黨嘅親密朋友。霍啟剛事後喺社交平台話，會上有各領導同友人分享霍英東生前點滴，包括抗美援朝、在港在澳商界發展、參與改革開放建設等，令佢感到驕傲。