【時報訊】政府近排積極「說好香港故事」，香港金融發展局最近就搵咗M+董事局主席陳智思，訪問喺香港住咗26年嘅渣打銀行香港董事總經理Peter Burnett，Peter同時係英商會前主席。諗番當年被調派到香港，Peter話當時只想捉緊機會嚟體驗香港。問到有咩建議畀考慮來香港工作嘅外國人，佢只有一個建議，就係唔好諗應唔應該嚟。
Fair Fast Flexible
Peter有3個女都喺香港出世，對香港有一定了解，叫佢用3個字形容香港，就係「Fair、Fast、Flexible」（公平、快速、有彈性），但歸根究柢，最重要係香港嘅法治、程序、法規令香港成為一個穩定嘅營商地方。
Peter就話喺過去3至5年，全球嘅國際金融中心都面對好大挑戰，紐約同香港有啲相似，同樣要面對地緣政治嘅影響，至於倫敦就受到英國脫歐嘅影響，但佢認為香港一直嘅優勢仍在，𠵱家最重要係重新團結各界，先可以解決社會嘅歧異，見到團結合力嘅好處。
