【時報訊】新民黨立法會議員容海恩（Eunice，右三）噚日46歲生日，適逢周三立法會大會，佢同黨友於前廳切生日蛋糕慶祝，又請一眾記者食西餅。Eunice話最大嘅生日願望係身體健康，又期望新一年喺議會關注更多不同議題，包括文化、音樂、藝術、教育等。
Eunice話希望來年關注更多不同議題，特別想推動小眾嘅音樂、樂器，例如「夏威夷小結他」Ukelele，並希望立法會復辦午間音樂會，佢仲考慮到時登場表演𠻹。Eunice並稱之後會爭取再提出議員議案，關注科技法治嘅政策。至於點樣慶生，Eunice話噚日收到兩個囡囡送花，今個星期係「生日周」，老公、學者袁彌昌會帶佢出去食飯慶祝，但就冇親自下廚。
