【時報訊】喺上海訪問緊嘅財政司長陳茂波，噚日同中國外匯交易心中心總裁張漪會面，傾吓點樣持續提升內地同香港金融基建對接，仲同新開發銀行行長、巴西前總統羅塞夫見面，討論全球經濟形勢、金融市場發展，同埋點樣可以更好借助香港國際金融中心嘅優勢，助力新開發銀行嘅業務同發展。
陳茂波噚日朝早喺「亞洲物流航運及空運會議──滬港合作新機遇分論壇」開幕儀式致辭，提到特區政府今年內會就高端航運服務業發展提出行動綱領，致力建設數字港口、綠色港口、發展高端航運服務業等，將航運業朝向高增值方向發展，亦會充分利用香港實行普通法嘅優勢，發展海事仲裁。
陳茂波噚日仲到訪一間內地醫藥企業，交流有關生物醫藥行業嘅發展，晚上同喺上海嘅港人港企見面，今早返港。
