【時報訊】藝術發展局喺黃竹坑有新址，仲搞咗個全新多用途展廳「展藝館」。藝發局噚日開始至10月1日喺呢個位於黃竹坑Landmark South嘅展館舉辦《南區旁注》展覽，展出11組本地藝術家嘅作品，取材自黃竹坑街坊人所共知嘅都市傳說。
展覽由策展人郭瑛策劃，《南區旁注》作品涵蓋紡織品、裝置、版畫、數碼藝術、繪畫同雕塑等多個媒介，深入探索黃竹坑嘅歷史故事同文化。展覽有一系列公眾活動，包括藝術導賞、工作坊等，有興趣者可上art-mate.net/doc/68185登記。有意到訪者要留意，展覽逢星期一休館。
