唐詩詠自豪有能力住豪宅

【明報專訊】唐詩詠與毛舜筠昨日出席醫美代言活動。有報道指唐詩詠離巢無綫愈住愈豪、搬入月租6萬元的北角豪宅。唐詩詠表示只想爸爸住近哥哥，方便湊孫，她說：「首先唔係咁嘅價錢，但想講，我都好辛苦做咗咁多年嘢，真係一直有儲錢，想畀自己有個想要嘅生活，都自豪有呢個能力。」

毛舜筠唔介意演婆婆角色

唐詩詠期待跟毛舜筠合作拍戲，又透露將會參與綜藝節目。至於好兄弟馬國明結婚，她表示仍未知會否任兄弟團。毛舜筠稱將拍攝新戲，「可能以往演好多媽媽角色，𠵱家搵我演嘅角色全部都係媽媽，我好樂意再演，就算搵我演婆婆角色都無所謂，不過我覺得角色一定要有趣，如果角色畀到我新挑戰，我一定會支持香港電影」。