噚日上晝落大雨，一度發出黃雨警告，梁美芬（後排左四）照開街站搞簽名支持區議會改制，請埋政務司長陳國基（後排左五）、基本法委員會副主任譚惠珠（後排中）、法律界議員林新強（後排右五）及選委會界別議員簡慧敏（後排右四）等法律界人物撐場。（梁美芬facebook圖片）
【時報訊】噚日朝早大雨滂沱，兼出埋黃色暴雨警告信號，經民聯議員梁美芬就「風雨不改」，喺中環擺街站，支持政府嘅區議會改制方案。政府嘅收集意見期喺本周二已經結束，但建制派仍有街站收集簽名支持。大雨下去到街站嘅政務司長陳國基就話，自從政府月初公布區會改制，十分高興見到社會各界眾志成城，又話多個愛國愛港組織紛紛深入社區，爭取市民支持。陳國基話，政府會爭取立法會喺休會前通過相關法例草案，令區議會選舉能如期喺年底舉行。
梁美芬就話，街站邀請到一班法律界朋友嚟撐場，感謝各位法律界朋友同舟共濟，敢喺關鍵時刻挺身而出。
免責聲明：本文僅代表作者個人觀點，與華僑網無關聯。其原創性及文中陳訴内容未經本網證實，對本文内容、文字的完整、真實性，以及時效性本網部作任何承諾，請讀者自行核實相關内容。如發現稿件侵權，或作者無意願在華僑網發布文章，請版權擁有者通知華僑網處理。
下一篇
大灣區GBA專題：港車北上 須先了解領牌交通規則
