【時報訊】警方噚日喺facebook上載約兩分鐘片段，警務處長蕭澤頤（前中）帶領國安處長江學禮（前右）、助理處長（公共關係）陳東、公共關係部高級警司梁仲文，同埋其他嚟自唔同部門嘅警員，包括反恐特勤隊、機場特警組及警察談判組等合共55人，喺警察總部平台砌成「55」字樣，喺55秒內一齊做55下掌上壓。參與嘅警員完成後面不改容，一齊翹埋雙手擺甫士。
適逢鄰舍輔導會成立55周年，推出「55 Push Up Challenge」籌款活動，邀請唔同企業或團體挑戰，透過做掌上壓增強大眾健康意識，同時籌款。今次「一哥」亦應鄰舍輔導會邀請參與，獲馬會捐助55萬元，為長者中心、智障人士院舍服務等籌募經費。
