華僑網 港澳新聞 【Emily】盧寵茂訪內地最大肝移植中心
公益廣告

【Emily】盧寵茂訪內地最大肝移植中心

醫衛局長盧寵茂(左三)噚日率團到訪上海,參觀交通大學醫學院附屬仁濟醫院臨牀研究中心,同院長兼黨委副書記夏強(左一)等會面。(政府新聞處圖片)
醫衛局長盧寵茂(左三)噚日率團到訪上海,參觀交通大學醫學院附屬仁濟醫院臨牀研究中心,同院長兼黨委副書記夏強(左一)等會面。(政府新聞處圖片)

【時報訊】政府近期積極推動器官捐贈,率團訪問上海嘅醫衛局長盧寵茂噚日先到上海交通大學醫學院附屬仁濟醫院,考察內地最大嘅肝移植中心,同埋國際最大嘅兒童肝移植中心,仲同院長兼黨委副書記夏強會面。佢又同上海市衛健委黨組書記聞大翔見面,討論滬港醫療人才交流培訓、中醫藥發展、傳染病防控等議題。

盧寵茂率領醫衛局、衛生署同醫管局人員到上海訪問3日。訪問團仲參觀咗上海街道社區衛生服務中心,了解分級診療發展。盧話希望此行可以深化兩地喺醫療衛生方面嘅交流合作。

律政司長林定國同樣正喺內地訪問,噚日係第二日,訪問團同廣州南沙區委書記盧一先、副區長龐波會面,討論就法律服務同爭議解決方面嘅合作,又參觀咗南沙國際仲裁中心同南沙規劃展覽館,仲話見到一句為人熟悉嘅歌詞,就係粵語歌《頂硬上》中嘅「鬼叫你窮呀,頂硬上啦!」林又提到南沙係全國首個大灣區律師「執業孵化站」,首宗由大灣區律師代理嘅內地案件亦喺南沙審理,未來會積極推動大灣區協作加強跨境法律服務。

免責聲明:本文僅代表作者個人觀點,與華僑網無關聯。其原創性及文中陳訴内容未經本網證實,對本文内容、文字的完整、真實性,以及時效性本網部作任何承諾,請讀者自行核實相關内容。如發現稿件侵權,或作者無意願在華僑網發布文章,請版權擁有者通知華僑網處理。

盧寵茂上海考察醫院

抗疫壓力不再 家庭生活快樂指數改善


联系我们

联系我们

514-3979969

邮箱: cpress@chinesepress.com

工作时间:周一至周五 10:00-16:00,节假日休息
关注微信
微信扫一扫关注我们

微信扫一扫关注我们

关注微博
返回顶部