【時報訊】持有Twitter嘅富商馬斯克（Elon Musk）經常喺Twitter留言引起唔少火頭，今次佢就向另一社交平台facebook嘅創辦人朱克伯格（Mark Zuckerberg）隔空「挑機」，話可同佢格鬥打番場，而朱克伯格又肯接招。
事緣有傳聞facebook母企Meta會推出以文字為主嘅新社交平台P92，挑戰Twitter地位。一向敢講嘢嘅馬斯克就喺Twitter話唔擔心，之後仲話「如果（朱克伯格）肯，我可以同佢格鬥」。練開巴西柔術嘅朱克伯格就喺IG動態轉貼馬斯克Twitter留言，黑底白字大大隻字話「畀個地點我」。Meta發言人嘅回應係，朱克伯格IG動態不證自明。一場科技界巨子大戰到底最後打唔打得成呢？
