香港藝術館嘅「雅慶──給至樂樓主人的生日賀言」新展覽，展出31組喺1966年文化同商界人士為何耀光六十大壽而創作嘅書畫作品，呢幅係張大千送畀佢嘅畫作《潑彩山水》。（政府新聞處圖片）
香港藝術家伊藤彥子為「雅慶──給至樂樓主人的生日賀言」展覽創作《生日快樂 Likeboxes》藝術裝置（牆上），盼觀眾反思複製拼貼同一鍵廣傳信息嘅現象，仲有透過轉贈手寫生日卡表達充滿溫度嘅祝福。（政府新聞處圖片）
呢兩幅分別係陳佩秋嘅《仙子凌波圖卷》（前）同謝稚柳嘅《荷花》（後），佢哋係中國繪畫史上難得可以比肩而立嘅夫妻畫家，兩人作品一直係靜觀樓重點珍藏。（政府新聞處圖片）
靜觀樓藏品廳以「他」同「她」做副題劃分，透過多媒體設備重塑書畫家夫婦謝稚柳同陳佩秋嘅畫案，呈現二人作畫習慣。（政府新聞處圖片）
【時報訊】香港藝術館今日起推出兩個中國書畫展覽，分別展示本地收藏家黃貴權、至樂樓主人何耀光捐出嘅珍藏，鍾意藝術嘅朋友記得喺10月25日或之前把握機會欣賞，仲係免費入場㗎！
黃貴權由2021年就將靜觀樓藏品捐畀香港藝術館，佢仲係已故海派書畫家夫妻謝稚柳同陳佩秋嘅深交摯友，呢次會展出99項兩人各時期嘅佳作。
而已故鑑藏家何耀光致力保存國粹同弘揚書畫藝術，起咗至樂樓收藏中國書畫。香港藝術館會以佢嘅生日做主題，展出31組來自文化同商界好友為佢六十大壽而創作嘅書畫作品，包括張大千送畀何耀光嘅畫作《潑彩山水》。
相關字詞﹕展覽 香港藝術館
免责声明：本文仅代表作者个人观点，与华侨网无关联。其原创性及文中陈诉内容未经本网证实，对本文内容、文字的完整、真实性，以及时效性本网部作任何承诺，请读者自行核实相关内容。如发现稿件侵权，或作者无意愿在华侨网发布文章，请版权拥有者通知华侨网处理。
