【時報訊】中大校園內有唔少貓咪寄居，中大崇基學院神學院噚日喺facebook透露，白德培教授（Tobias Brandner）養嘅家貓Grisha周二（10日）因病離世，帖文感謝Grisha喺16年來陪伴中大同學走過喜怒哀樂，希望大家一齊悼念及感謝Grisha。唔少中大人喺留言區貼上Grisha昔日喺校園出沒嘅相片。
神學院由噚日至今個月25日嘅星期一至五，朝九晚五喺容啟東校長紀念樓G樓聖堂外設紀念冊，其中星期四會延長開放至夜晚8點半。神學院誠邀大家喺紀念冊留言，寫低對Grisha嘅感謝並道別，「送上祝福並慰問牠的家人」，亦可以溫柔地敲響擺喺一旁嘅頌缽，「以聲音及共振嘅頻率，表達對Grisha嘅思念與祝福」，紀念冊將於稍後轉交白德培教授。
