【時報訊】冬至天冷，外交部駐港特派員公署就祝福大家，話冬至係特別日子，「願這個冬天，情意不散；願來年春天，所有美好都會如期而至」。美國駐港澳總領事梅儒瑞（藍衫）就同一班同事，日前拉隊去大牌檔提早做冬，見到佢哋坐喺戶外開餐都幾有風味，梅儒瑞「入鄉隨俗」，識得用熱茶洗一洗筷子餐具。據佢哋喺社交媒體嘅圖片，佢哋有食煲仔菜，仲大啖大啖飲啤酒。
日本駐港總領事館亦都應節，話日本人都會喺冬至當日，將柚子放入浴缸泡個「柚子湯（yuzuyu）」，話柚子獨特嘅香氣可以預防感冒、促進血液循環，仲可去除「邪氣」，提議大家食過冬至飯後，不妨試試。
