【時報訊】特首李家超早前宣布「日夜都繽紛」，各區民政事務處都牽頭大搞夜市等活動。今日係情人節，大埔藝術中心噚日提早開始搞「心願夜市」，放有唔少寫住「3344生生世世」、「1314一生一世」、「甜甜蜜蜜」等字句嘅LED燈牌，營造節日氣氛，唔少情侶都拎住燈牌喺現場一塊鏡面牆前打卡留念（圖），仲有民政處職員幫街坊影相。現場仲有小食檔，同埋由民間團體或學校開設嘅攤檔，不過現場所見，好多人可能掛住打卡，幫襯嘅人就唔係好多。心願夜市除咗今日情人節繼續開放，元宵節（23日及24日）及白色情人節（3月13日及14日）晚上6點至9點都會再開。
