【時報訊】大部分人日常生活至出行都離唔開智能手機，但長者對住手機就「企咗喺度」，有時去酒樓用手機點菜都有麻煩。有團體就為老友記舉辦數碼科技工作坊，以減少數碼鴻溝。
中華電力總裁蔣東強和勞工及福利局長孫玉菡喺6月17日聯同30多名義工，陪160名長者到戲曲中心欣賞粵劇，同時教佢哋用手機應用程式閱讀場刊，並喺午宴中學習用手機點餐。
中電與東華三院舉辦15班數碼科技工作坊及實踐活動日，讓長者學習常用嘅手機應用程式，例如攝影、錄製短片同視像通訊等。參加者周華武伯伯大讚活動好實用，並感謝義工陪伴，「我本身對智能手機操作毫無認識，惟自疫情開始，無奈地慢慢學習使用」，佢話學習後掌握到基本操作，令佢終於克服使用智能手機嘅障礙，仲識用手機影相打卡，同家人朋友分享。
