【時報訊】今屆政府設立由政務司副司長卓永興領導「地區事項統籌工作組」處理街道衛生等社區問題，卓永興喺facebook透露，工作組已改稱「環境衛生及市容工作小組」。據Emily了解，政府早前成立同樣由卓永興領導嘅「地區治理專組」，原本工作組就重組兼改名，成為新專組轄下嘅小組。
工作組改組後，卓永興繼續四出視察社區環境衛生，前日就同路政署長陳派明去咗灣仔道同寶靈頓道嘅店舖阻街黑點。佢話雖然呢度已經唔見店舖阻街，但早前留意到附近行人路污黑發霉、馬路破損，隨即要求路政署重鋪路面。
卓永興話路政署特別安排喺晚上施工，以免影響店舖日間營業。佢前日視察重鋪完嘅路面，認為感覺潔淨舒服，預計工程分階段喺本月底同12月底完工。
