【時報訊】民政事務專員（DO）將會出任換制後嘅區議會主席，近期DO都響起新一輪音樂椅。政府噚日公布，保安局助理秘書長馬瓊芬（Kathy）今日起將接替曾俊文（Frank）出任西貢民政事務專員。
睇番政府昔日新聞公布，曾俊文今年1月先接任西貢DO，做咗唔夠一年就調走。據Emily聽聞，1998年加入政務職系嘅Frank會升職入發展局做副秘書長。
2009年加入政務職系嘅Kathy，喺新冠疫情期間曾參與統籌社區隔離設施運作，舊年獲時任特首林鄭月娥頒發獎狀嘉許。佢今年3月曾接受當時老細、保安局長鄧炳強訪問，喺兩分幾鐘節目中，佢多次以「阿sir」稱呼鄧。鄧當時於節目中問佢有咩願望，Kathy話希望同鄧炳強合照，同埋見證鄧單手做掌上壓。
