【時報訊】被列為二級歷史建築嘅舊油麻地警署近年成為唔少內地遊客嘅「打卡」熱點，警方就好識做，今日起逢周六喺舊油麻地警署開設「警察禮品廊快閃店」，售賣警隊紀念品，包括警察玩具熊、筆記簿、文件夾、磁石貼、鑰匙扣和服飾等（圖）話要加強與市民大眾同遊客嘅聯繫。
只周六下午營業
快閃店喺油麻地廣東道627號舊油麻地警署正門，今日至下年5月25日，逢周六下午2時至5時營業。警務處人事服務及職員關係（人事部）總警司李仲華話，𠵱家除咗喺警察總部同警察體育遊樂會嘅實體店同網上商店外，今次增設快閃店，希望方便市民同遊客親自選購心儀禮品。
