【時報訊】房屋局長何永賢（Winnie）經常強調房屋係社會工程，噚日喺社交媒體發帖，分享較早前出席香港童軍總會活動，認為「既係幫助有住屋需要市民，亦連繫同凝聚社區」。
Winnie出席咗香港童軍總會新界地域65周年紀念活動「童傳承」暨北葵涌區50周年紀念「舊日的足跡、《北》《童》的故事」活動閉幕禮，活動帶領童軍、區內街坊、劏房住戶、少數族裔及公眾人士漫遊北葵涌區8條屋邨，仲參觀區內新鄰居、房屋局過渡房屋「喜盈」，大家可重溫社區變化，從中了解政府工作，並以小見大地更明白社會議題。
Winnie話，呢種互動交流聯繫同凝聚咗社區唔同持份者，等大家再次體會到房屋工作重要意義；而呢股來自各界嘅力量亦鼓勵政府要提量、提速、提效、提質，既係建屋亦係建家，仲有建社區。佢期待更多類似活動持續舉辦，令更多人了解這個屬於香港嘅房屋故事。
