【時報訊】醫管局噚日同北京協和醫院簽署為期5年嘅合作協議，加強雙方交流合作，涵蓋領域包括醫院管理、醫療服務發展、醫護專業發展、醫療專業與管理人才培訓等。今次由醫管局主席范鴻齡、行政總裁高拔陞帶隊赴京出席簽署儀式，仲就罕見病嘅臨牀診療交流。
其實雙方早喺2011年已簽署為期5年嘅戰略合作意向書，探索公立醫院管理創新模式，而范鴻齡同高拔陞等一行人舊年9月亦到過北京協和醫院，探討點樣進一步深化交流合作。范鴻齡話，當時雙方就唔少共同關心嘅公立醫院管理、發展相關議題交換意見。
至於北京協和醫院院長張抒揚就希望，未來雙方發揮各自優勢，聚焦需求，定期會面，並開展科研合作、着力人才培訓等，推進交流合作。
