【時報訊】一連4日嘅香港寵物節噚日喺灣仔會展開鑼，有超過200個展商及超過650個攤位，規模係歷來最大。除咗雀鳥，入場人士可攜帶最多一隻寵物入場，包括狗、貓、兔、爬蟲類等，其中狗必須有由漁農署發出嘅狗牌同晶片，貓就須有針卡。
泰國印尼等600條鬥魚參賽
展覽設各種寵物主題展區同活動，包括今年首次舉辦全港首個、全球最權威IBC國際鬥魚組織嘅「鬥魚香港國際展覽賽」，有近600條來自泰國及印尼等地嘅鬥魚參賽；另有「寵愛王國2024年CKUHK全犬種冠軍狗展」等寵物界國際級選美賽事。
4日展覽嘅開放時間係中午12點至夜晚9點，門票30元，持長者卡、傷殘人士證或身高1米以下小童免費入場。
相關字詞﹕寵物展
